النشرة البريدية من جريدة الطبيب
سجل بريدك هنا ليصلك جديد الأخبار من جريدة الطبيب
الأبناء مرآة تعكس أفكار الأهل وشخصيتهم وسلوكياتهم وطريقة تفكيرهم ... رفقاً بأبنائكم #رمضان_يجمعنا
السبت 06 رمضان 1437 هـ - السبت 11 يونيو 2016 م      12:38:20 AM

منى محمود :

لما بنتولد ربنا بيخلقنا بفطرة جميلة بتميز كل إنسان ... الأهل بيتدخلوا و يبدأوا يغيروا الفطرة ويطبعوا فى عقول أطفالهم طريقة تفكيرهم وأسلوبهم ونظرتهم الخاصة بهم تحت مفهوم التربية ... وبيشارك معاهم المجتمع والمدرسة والبيئة المحيطة .

الطفل علشان يحصل على القبول والإستحسان الإجتماعى بيتخلى عن فطرته ويبدأ ينفذ أوامر أهله دون تفكير لانهم غالباً مش بيسمحوا له انه يستخدم عقله ويفكر أو يقول رأيه على إعتبار أنه طفل صغير مالوش خبرة ولا تجارب وهما اكثر دراية منه ولو اعتراض يبقى بيرد على أهله .

يبدأ يتعلم إن كل شىء يفعله بيوصله لنتيجة يعنى هيذاكر علشان ينجح مش علشان يفهم ويكتسب معلومات ويشغل عقله ومع الوقت يقدر يفكر بنفسه وياخذ قرارات سليمة .

بيعلموه إنه لابد إنه يسمع الكلام علشان يبقى ولد مؤدب ويسمع كلمة برافو مش دون أن يكون مقتنع أو فاهم أو موافق على الكلام اللى سمعه ... ويكبر الطفل وهو معتمد على الأهل فى التفكير وإتخاذ القرارات وحين يصل لمرحلة الثانوية العامة ويسأل ادخل إيه الأهل يقولوله شوف إنت عايز تدخل قسم إيه دى حياتك ومستقبلك ... لو قال أدخل ادبى ردهم لاء إنت تدخل علمى أفضل لك ... هما بيقنعوا أنفسهم إنهم بيتركوا له حرية الإختيار ... والواقع إنهم هما اللى بيقرروا كل شىء نيابة عنه ويتهموه بعد كده إنه لا يمكنه الإعتماد على نفسه ولا يمكنه إتخاذ قرارت لحياته وإنه إنسان إعتمادى وغير مؤثر وليس له دور فى الحياة .

أضف تعليق
: الإســـــــــــــــــــم
: عنــــوان التعليق
: البريد الالكترونى
: التعليــــــــــــــــق
الأكثر قراءة

جميع الحقوق محفوظة لجريدة الطبيب الألكترونية 2012
تصميم وبرمجة مؤسسة الطبيب للصحافة والنشر