النشرة البريدية من جريدة الطبيب
سجل بريدك هنا ليصلك جديد الأخبار من جريدة الطبيب
أغرب اليافطات الإعلانية للأطباء.. فوضى تستدعي وقفة
2009-12-19 01:15:52

كتب - عبد الرحمن بدوي:دعوة جرئية أعلنها عدد من الأطباء في الفيس بوك وعلى رأسهم د. طارق هيكل صاحب الفكرة دعى خلالها الأطباء لشن حملة ضد اليافطة التي تسيئ لمهنة الطب مستعيناً بيفط غريبة فعلا وضعها بعض الأطباء على جدران عياداتهم الخارجية وهذا نصها..
في البدايه يقول د.طارق هيكل أنا شخصيا شفت في الشرقيه عمارة في الدور الارضي منها يافطه كبيره لجمعية تعاونية استهلاكيه وفوقها دكتور /فلان الفلاني أخصائي السمنه والسكر(بدون تشكيل).......طبعا الذين يقرؤون اليافطه هايفتكروا بيشتغل في الجمعيه اللي تحت. يافطه أخرى في بلد ريفي مكتوب عليها دكتور / فلان الفلاني كبير أطباء الامتياز بمستشفى الجامعة ويافطه أخرى ضخمه جدا في مدينة كبرىمكتوب عليها دكتور / فلان الفلاني الكشف بالسماعة الطبية وتحليل السكر بدون الم   شعارنا "هتخسى يعنى هتخسى" وتقول الدكتورة ايمان خليفة رأيت يافطه فى اخر شارع فى منطقه شعبيه مصمم بشكل هندسى رائع مرسوم عليها جردلين فيهما جبس وخشبتين ومشدود بينهم قماشه قذره جدا مكتوب عليها عياده تجميل بدون جراحه شعارنا هتخسى يعنى هتخسى .. وعجبي‏ وذكرت دكتورة أنها رأت يافطه ضخمه طويله أوي لدكتور كاتب فيها ؛ بكاليريوس في التشريح و الفسيولوجي والهستولوجي و الكيمياء الحيويه و الباثولوجي و الفارما و الميكروبيلوجي و الباراسيتولوجي و الانف و الاذن و الحنجره و الرمد و الباطنه و الاطفال و الجراحه و النسا و الولاده .. يعني   "دكتور شامل"     أخصائي رضاعة طبيعية   ويقول د. عبد الرحمن فوزي بينما كنت أسير في أحدى المناطق استوقفتي يافطة طبية مكتوب فيها ..   دكتور ....... اخصائى الرضاعة الطبيعية، دبلوم الرضاعة الطبيعية، ماجستير الرضاعة الطبيعية زميل الجمعية الدولية للرضاعة الطبيعية ويقسم بالله العظيم أن اليافطة موجودة و لو معايا كاميرا كنت صورتها و قائلاً: انا لسه فاكرالمكان فى منطقة شعبية . وهناك   أيضاً يافطة فى منطقة شعبية مكتوب فيها : دكتور ..... باطنى و جراحة و نساء و اطفال وجراحات المسالك و التجميل وعمليات اللوز بالليزر ومتابعة حمل بالسونار و بدون.   والأغرب من ذلك رأيت يافطة ضخمة جدا مكتوب فيها اسعار كل الحاجات اللى بيعملها الدكتور فتح خراج ببنج استئصال الزائدة الدودية استخراج حصوة من المثانة كشف نساء كورس لعلاج الانيميا كورس للسمنة و النحافة و فى اخر اليافطة قياس الضغط لدى الطبيب مقابل ثلاث جنيهات فقط       ويافطة أخرى مكتوب عليها‏ الاستاذ الدكتور ... بكالوريوس الطب و الجراحة دبلوم الجراحة العامة دبلوم طب الاعصاب ماجستير جراحة المخوالاعصاب دكتوراه جراحةالمخ والاعصاب دبلومةادارة المستشفيات ليسانس دراسات اسلاميةإبلاغ ويقول دكتور محمود جادو : رأيت يافطة غريبة جداً مكتوب عليها جميع فروع الطب ماعدا الجراحه لدكتور جلديه     معانا هترتاح يعنى هترتاح ويقول محمود السداوي رأيت يافطة في بلد ريفي مكتوب عليها دكتور / فلان الفلاني كبير اطباء الامتياز بمستشفى الجامعة ويتساءل مستنكراً "دا أنا على كده الواحد يقول عن نفسه دكتور فلان الفلانى كبير طلبة الطب بجامعة المنصورة بيحضر الراوندات واحيانا المحاضرات ولما بتطلب معاه مذاكرة بيذاكر ويدح وبيقى دودة مذاكرة ،معاه العدة بتاعته من بالطو أبيض من انتاج مصانعنا الوطنية وسماعة وجهاز ضغط وتورش من مصانعنا الصينية ،معانا هترتاح يعنى هترتاح   نماذج من بعض اليفط الغريبة للسادة الأطباء فى يافطة لدكتور اسنان ماخرجش برة المحافظة بيقول   فيها المركز الألمانى للدكتور الألمانى وهناك يافطة لدكتور عظام مكتوب عليها الدكتور فلان اخصائى العظام ابن العمده فلان   ودكتور / فلان الفلاني اخصائي باطنة واطفال ونسا وتوليد وجراحة وحميات وسكر وضغط وكل حاجة   وهناك دكتور فى سموحة فى اسكندرية   كتب على اليافطة   ..   د........... بكالوريوس الطب و الجراحة..اموت واعرف دة بتاع اية.. وهناك واحد تانى دكتور اطفال و باطنة و صدر، وجراحة ونسا وتحتية اخصائى نسا   وهناك دكتور فى منطقة شعبية كاتب دكتور ....... اخصائى باطنة و اطفال و نساء و توليد و مسالك بولية و جراحة و حاجات تانية كتير تقريبا كاتب كل التخصصات . ‏ونستكمل معكم الجزء الثاني من هذا الملف المثير في العدد القادم
أضف تعليق
: الإســـــــــــــــــــم
: عنــــوان التعليق
: البريد الالكترونى
: التعليــــــــــــــــق
الأكثر قراءة

جميع الحقوق محفوظة لجريدة الطبيب الألكترونية 2012
تصميم وبرمجة مؤسسة الطبيب للصحافة والنشر